Was geids en Rom?

[GMarco]

Hallole,

am Wochaende hanne me onderhalda ieber Urlaubsblanung. Ond Mir mechded dees Jaohr des Schdaeddle oogfaehr en der Midde von Italien aagugga.

Mi hadd dees a bissle ieberraschd, dass koiner die Pauluskirch kennt hat, dao wo di ganze Paebschd an der Wand henged. Des isch also wohl an Geheimtipp.

Jedsd daeds mi indressiera, ob vom Affaschdall ao scho mal ebber en der eewiga Schdadd war, ond obs dao oder en der Naehe ebbes indressandes geid, des wo ma blos aus Verseha fended. Kender send drbei. Dia gugged scho mal a Museom a, aber a Kundschausschdellung muss es jedsd edd oobedingd sei.

Auf der Riggfahrd isch a Hald en Parma iebrigens feschd eibland, fr da Browiant!


Dr Marco

[Maria Horlacher]

Post by GMarco
Hallole,

Ebaso, Hallole

Post by GMarco
am Wochaende hanne me onderhalda ieber Urlaubsblanung. Ond Mir mechded dees Jaohr des Schdaeddle oogfaehr en der Midde von Italien aagugga.

Des isch a guada Idee, aber em Sommer daed I do ed naganga, do isch so
hoiss.
Jetzt aber zom Thema Rom:

Anno 1984 war I do mit ra Reisegruppe. Doch will I do jetzt ed ens Detail
gau, weil des da Schpeicherplatz schprenga daed.
Rom isch wirklich a Reise wert.
Mir warad 10 Dag ond I hab net aelles gseha. Am End war I
Kirchageschaedigt. Blitz ond Donner hend dia Kircha do bischt echt platt.

Am Mittwoch isch am Petersplatz a allgemeine Audienz, was ma au ed
verbassa sodd.
Trevie brunna wo ma Muenza neischmeisst ond sich was wuenscha ka, obs
Funktioniert woiss I ned. I hau koin neigschmissa weil I an sodde Schmarra
gar ed glaub. Die Spanische Treppe derf a net versaeuma. des isch aella em
Centrum. Koloseum, Engelsburg und und und so voviel meh.
Ganz arg aufbassa auf da Geldbeutel, do klaua se wia Raba.
Oms nomgugga geddad se mir mei Handdasch vom Leib grissa. Am beschta an
Bruschtbeutel sonscht nix loses mitnehma.

Wichtig: Essa isch hervorragend ond dr Espresso goettlich.

Meh felld mr jetzt uff die schnelle et ei.

Jedafall oimol Rom und emmer wieder!!!

Post by GMarco
Auf der Riggfahrd isch a Hald en Parma iebrigens feschd eibland, fr da Browiant!

Obeengt an Parmaschicka essa.

Viel Spass ond kommad wieder guad hoim.

Griessle vom Eile

[GMarco]

Post by Maria Horlacher

Post by GMarco
Hallole,

Ebaso, Hallole

Post by GMarco
am Wochaende hanne me onderhalda ieber Urlaubsblanung. Ond Mir mechded dees Jaohr des Schdaeddle oogfaehr en der Midde von Italien aagugga.

Des isch a guada Idee, aber em Sommer daed I do ed naganga, do isch so
hoiss.

Muss ma hald Eis essa.
Ond, damit ma sich scho mal an d Klimaerwermung gweend, ond vor allem an den Todessommer, wo bei oos jedem Moment kommt. Wenn Ihr dann aelle nemme kenned, dann sag i: Ha, des isch ja no gar nex... ganged mal nach Rom.

Ond bei dener Hids send ao d Maedla edd so digg aazoga.

I glaob, die Hids em Urlaub hadd scho mehr Vor- als Nachdoil.

Post by Maria Horlacher
Anno 1984 war I do mit ra Reisegruppe. Doch will I do jetzt ed ens Detail
gau, weil des da Schpeicherplatz schprenga daed.
Rom isch wirklich a Reise wert.
Mir warad 10 Dag ond I hab net aelles gseha. Am End war I
Kirchageschaedigt. Blitz ond Donner hend dia Kircha do bischt echt platt.

Des hann i ao sche gheerd. Do geids wohl so viele Kircha, dass es selber koiner so recht wois, wie viele es insgedamd send.

Post by Maria Horlacher
Am Mittwoch isch am Petersplatz a allgemeine Audienz, was ma au ed
verbassa sodd.

Naja, do hand mir eigendlich gmoid, dass des Gedrenge nix fr oos isch. Macha mr aber schbondaan.

Post by Maria Horlacher
Trevie brunna wo ma Muenza neischmeisst ond sich was wuenscha ka, obs
Funktioniert woiss I ned. I hau koin neigschmissa weil I an sodde Schmarra
gar ed glaub.

Gugg, dao merksch, dasses eba doch funktioniert. I war jedsd scho zwoimal en Rom,
ond jedes mal hanne en da Bronna was neigschmissa. Ds erschde mal no zea Pfennig.
Ond jedsd komme scho wieder na. Also... es klabbd!

Die Spanische Treppe derf a net versaeuma. des isch aella em

Post by Maria Horlacher
Centrum. Koloseum, Engelsburg und und und so voviel meh.
Ganz arg aufbassa auf da Geldbeutel, do klaua se wia Raba.

Des wois e no vom ledschda maol. Also for sechzea jaohr, da send mer auf so a Meierle ghoggd,
ond hend zuguggd, wie des oine Kend a Schild mid "Bidde bidde" de Turischda vor d Naas ghebt hat,
ond ds andere hadd gleichzeitig an der Bauchdasch romgfroscht.

Post by Maria Horlacher
Wichtig: Essa isch hervorragend ond dr Espresso goettlich.

Klapppizza. Onser Lateinlehrer hat sich von Wein ond Oliva ernaehrt. Isch jetzt ieber achzg ond wandert emmer no.

Post by Maria Horlacher
Meh felld mr jetzt uff die schnelle et ei.
Obeengt an Parmaschicka essa.

Ja, ond no vorher gugga, obs da a Beschrenkung geid, wie viel ma ohne Zoll zahla eifiehra derf.

Post by Maria Horlacher
Viel Spass ond kommad wieder guad hoim.

Danke :-)


Dr Marco

[Maria Horlacher]

Post by Maria Horlacher

Post by GMarco
Hallole,

Ebaso, Hallole

Post by GMarco
am Wochaende hanne me onderhalda ieber Urlaubsblanung. Ond Mir mechded dees Jaohr des Schdaeddle oogfaehr en der Midde von Italien aagugga.

Des isch a guada Idee, aber em Sommer daed I do ed naganga, do isch so
hoiss.

Hendadrei mechdad mir aber an Reisebericht, no kommad au Erinnerunga hoch.

Grieassle vom Eile, dia emmer no nasaweiss isch :-)

[Jürgen Dollinger]

Man kann sich nur in Rom auf Rom vorbereiten (J. W. von Goethe, Reise
nach Italien, Rom den 7. November 1786)

So stohts en wikivoyage: https://de.wikivoyage.org/wiki/Rom

Post by GMarco
Ond bei dener Hids send ao d Maedla edd so digg aazoga.

Was sagt do d Sandra?

Post by GMarco
Onser Lateinlehrer hat sich von Wein ond Oliva ernaehrt. Isch jetzt ieber
achzg ond wandert emmer no.

Dr Parasco hot aewwl gsait dass ma sich von Brot, Wein ond Oliva
ernaehre kennd.

Apropos Latein: Em Vatikan solls Bankautomate gebe die auf Latein
bedient werdet. Do daet i a Foto drvo mache.

Post by GMarco

Post by Maria Horlacher
Obeengt an Parmaschicka essa.

Ja, ond no vorher gugga, obs da a Beschrenkung geid, wie viel ma ohne
Zoll zahla eifiehra derf.

Isch do aelles EU? Ausserdem ka ma id blos Schinke sondern au Kaes
eikaufe. Aber Aufpasse ob der do au wirklich ginschtiger isch als bei
ons. I han mir mol sage lasse, dass viele Italiener en Parmesanaehnliche
Hartkaes aus em Allgei esse daedet ond de deire Parmesan lieber noch
Deitschland exportiered. Andererseits ka ma do Parmesanloib als
Sicherheit en dr Bank hinterlege. Wer braucht Gold oder Bitcoin wenner
Parmesan han ka.

Mein Metzger hot au en Parmaschinke, aber der luftgetrocknete den er
selber macht isch mir lieber.

[GMarco]

Post by Jürgen Dollinger
Man kann sich nur in Rom auf Rom vorbereiten (J. W. von Goethe, Reise
nach Italien, Rom den 7. November 1786)
So stohts en wikivoyage: https://de.wikivoyage.org/wiki/Rom

Post by GMarco
Ond bei dener Hids send ao d Maedla edd so digg aazoga.

Was sagt do d Sandra?

Abbedidd holla deff ma sich woandersch, aber gessa wedd drhoim!

Post by Jürgen Dollinger

Post by GMarco
Onser Lateinlehrer hat sich von Wein ond Oliva ernaehrt. Isch jetzt ieber
achzg ond wandert emmer no.

Dr Parasco hot aewwl gsait dass ma sich von Brot, Wein ond Oliva
ernaehre kennd.

Ja, da Parasco, den vermiss i ao emmer no.

Post by Jürgen Dollinger
Apropos Latein: Em Vatikan solls Bankautomate gebe die auf Latein
bedient werdet. Do daet i a Foto drvo mache.

Des isch a guader Tibb!

Post by Jürgen Dollinger
Mein Metzger hot au en Parmaschinke, aber der luftgetrocknete den er
selber macht isch mir lieber.

Do geids ao a nedds Gschichdle. Es geid an belgischa Edelschinkaherschdeller,
der wrzd Schinga en Belgia. Dann wird der nach Parma nonderkarrt.
Do wird d oina helfde en Lagerhalla glagert, die wo Parma-Eiwohner ghered,
ond d andera Helfde en oigane Halla. Dann des ganze zrugg nach Belgia,
do wo s dann verpackt wird. Auf dem, wo die Halla de Parmer ghert hend,
schdadd dann Parmaschinken drauf, ond auf de andere edd :-)

Dr Marco

[Matthias Kohrs]

Post by GMarco
Jedsd daeds mi indressiera, ob vom Affaschdall ao scho mal ebber en der eewiga Schdadd war, ond obs dao oder en der Naehe ebbes indressandes geid, des wo ma blos aus Verseha fended.

I war emol dort, 1986 oder 1987 muß des gwese sei, jedefalls wared Pink
Floyd au grad dort. Des war aber Zufall. Des war a Busreise mit Rotel ab
München (mei Vadder hots teschte welle, sich aber ned alloi traut) , ond
weil mir a ganze Woch Zeit ghet henn, wared mr no glei in Assisi, Pisa,
am Gardasee ond in Rovereto au no.

Geheimtipps kriegsch auf die Art koine mit, aber für gefühlte zwölf
Kirche in Rom hots glangt, inklusive Petersdom und Pauluskirche. In
Erinnerung isch mir gebliebe, daß die, wo kurze Hose oghett henn oder
nackiche Schultern, ned in'd Kirche henn neidürfe. Onser Reiseleiter hot
a dünne Judo-Hos drbeighett, in die isch er vor der Kirchetür gschwend
neigschlupft. Die Fraue mit Schpagetti-Träger henn sich a Tuch omglegt.

Grüssle vom Matthias

[Maria Horlacher]

Post by GMarco
am Wochaende hanne me onderhalda ieber Urlaubsblanung. Ond Mir mechded dees Jaohr des Schdaeddle oogfaehr en der Midde von Italien aagugga.
Mi hadd dees a bissle ieberraschd, dass koiner die Pauluskirch kennt hat, dao wo di ganze Paebschd an der Wand henged. Des isch also wohl an Geheimtipp.
Jedsd daeds mi indressiera, ob vom Affaschdall ao scho mal ebber en der eewiga Schdadd war, ond obs dao oder en der Naehe ebbes indressandes geid, des wo ma blos aus Verseha fended. Kender send drbei. Dia gugged scho mal a Museom a, aber a Kundschausschdellung muss es jedsd edd oobedingd sei.

An guadr Tip waer, wenn des Buach vom Andreas Englisch lesa daedesch. Der
schreibt des Buach "Mein Rom". Dia Handlong isch wia er mit seim Sohn Rom
erklaert. Besser wia der Andreas Englisch ka ma Rom net kenna lerna.

Marco komm halt gschwend bei mir vorbei ond hol dr dia Lektuere :-)

Grieassle vom Eile

[GMarco]

Maria Horlacher schrieb am Sonntag, 6. August 2023 um 23:22:22 UTC+2:
...

Post by Maria Horlacher
An guadr Tip waer, wenn des Buach vom Andreas Englisch lesa daedesch. Der
schreibt des Buach "Mein Rom". Dia Handlong isch wia er mit seim Sohn Rom
erklaert. Besser wia der Andreas Englisch ka ma Rom net kenna lerna.
Marco komm halt gschwend bei mir vorbei ond hol dr dia Lektuere :-)

Grad am kommenda Mondag daed i nach Wrzburg fahra zom Buchlada.
I Hao grad guggad, des waer aber drodsdem an Omweg ieber Heibach von oogfaehr a ra dreivierdel Schdond.

I missd mal fraoga, ob dees ganga daed. I war seid dr Sandra nemme bei Dir, gell? Jemine... isch des lang her.


Dr Marco

[Maria Horlacher]

GMarco <***@gmx.de> wrote:

Hallole Marco

Mir wardat aell Dag uff ab Bericht wia des au en Rom so war.
Hosch des guade Essa au genossa ond dr Wei isch hoffentlich au Gurgl
nagloffa :-)
Au dr Espresso schmeckt au bsonders guad. Wora au des sei ka :-)
Vielleicht doch am Ambiende wia so neudeutsch so daherschwaetzt.

Grieasle vom Eile

[GMarco]

Post by Maria Horlacher
Hallole Marco
Mir wardat aell Dag uff ab Bericht wia des au en Rom so war.
Hosch des guade Essa au genossa ond dr Wei isch hoffentlich au Gurgl
nagloffa :-)
Au dr Espresso schmeckt au bsonders guad. Wora au des sei ka :-)
Vielleicht doch am Ambiende wia so neudeutsch so daherschwaetzt.
Grieasle vom Eile
--

Au, des hann i ja ganz vergessa.

Also es war scho extrem onderschiedlich. Manche Sacha wared oifach toll, andere so, dass ma eher drvolaufa will.
Fanga mr mid em schlemmschda a: En Rom isch wirglich an jeder Egge a Bolizischd, ond an jeder zwoida
an Milidaerlaschder mid Soldada ond Schdurmgwehr. Mei bessere Haelfde hadd sich tierisch drieber aufgregd,
dass sogar em Petersdom hender jeder zwoida Seile a Wache mid Bidschole gschdanda isch.
Besinnlichkeid kommd da ieberhaupt gar koina auf. Edd mal a bissle.
Flughafakondrolla mid Metalldetektor an jeder gresara Sehenswirdigkeit, ens Forum Romanum ond em Petersdom wirsch richtig gfilzd.
I Hann Daschamesser em Hodell glassa, aber nachdem s mir an gloina Uhrmacherschraubazieher, der wo
onda em Rucksack vergessa hao, abgnomma hend, dann hammer gsagt, des deand mr ons nemme a.

Ond nao hammer hald Sacha aaguggad, do wo weniger Turischda wared.

Ostia Antica war super, wie i es en erinnerong han, D Katakomba, dao hammer sogar an Fiehrer khet,
der wo en der gleicha Schual war wie meine Kender jetzt send. Des war scho an Zufall, ond mit dem hemmer dann ao a bissle gschwaedsd.
Di Quo-Vadis-Kirch glei bei de Katakomba isch ziemlich gloi ond ooscheibar, aber von Enna echt eidruggsvoll.
Dao geids an Fuaßabdruck vom Petrus!

S Meer war a bissele schwieriger. Dao isch ja alles zubaued, ond an dener Schdelle, wo ma vor 30 Jaohr hadd direggd na kenna,
isch jedsd ao Kilometerweid alles abgschberrd.
I han dann auf der Landkarte gsuachd nach ra schdell, dao wo Italiener a Wohngebiet direkt bis zom Meer hend,
ond des hemmer ausbrobierd. Dao hadd ma dann komplett ohne alle Turischda ens meer kenna. Des war a Hailaid.

Fr alle drei Kender hammer Kircha mit em bassenda Nama bsuachd. D Martinskirch war a bissele emma
ronderkommana Vierdel. Dao send Madradsa auf em Gehweg gleaga, ond Schxxxx und Abfall drzwischa.
A Radde isch auf me zu ghobbeld, ond wo se gmerkt hat, dass i edd bewussdlos ben, had se romdreht ond wieder drvoghobbeld...
Also en Rom geids ao edd so scheene Egga. Indressand wars aber grad deshalb.

Also alles en allem arg durchwaxa, aber es war auf jeden Fall a inderessante Erfahrung!


Dr Marco

[Jürgen Dollinger]

Post by GMarco
Fr alle drei Kender hammer Kircha mit em bassenda Nama bsuachd.
D Martinskirch war a bissele emma ronderkommana Vierdel. Dao send
Madradsa auf em Gehweg gleaga, ond Schxxxx und Abfall drzwischa.

Muasch halt d Martinskirch en Biberach bsuache. Blos mit em Petersdom
und dr Laurakirch ka i ned diena!

[GMarco]

Post by Jürgen Dollinger

Post by GMarco
Fr alle drei Kender hammer Kircha mit em bassenda Nama bsuachd.
D Martinskirch war a bissele emma ronderkommana Vierdel. Dao send
Madradsa auf em Gehweg gleaga, ond Schxxxx und Abfall drzwischa.

Muasch halt d Martinskirch en Biberach bsuache. Blos mit em Petersdom
und dr Laurakirch ka i ned diena!

Laurakircha geids en Rom ao edd, aber Laureziuskircha, glei mehrere.

Dr Marco

[Guenther Fischer]

Post by GMarco

Post by Jürgen Dollinger

Post by GMarco
Fr alle drei Kender hammer Kircha mit em bassenda Nama bsuachd.
D Martinskirch war a bissele emma ronderkommana Vierdel. Dao send
Madradsa auf em Gehweg gleaga, ond Schxxxx und Abfall drzwischa.

Muasch halt d Martinskirch en Biberach bsuache. Blos mit em Petersdom
und dr Laurakirch ka i ned diena!

Laurakircha geids en Rom ao edd, aber Laureziuskircha, glei mehrere.
Dr Marco

do kenndescht noch Nürtingen gange, dia hend a scheena St. Laurentius Krch.
Isch aber evangelisch.
Immerhin isch a Schild an der Autobah Ulm - Schduegert midd derra Kirch.
A neua Super Orgel hend se ao griagd, de alt isch abbrennd vor a baar Järla.

[GMarco]

Post by Guenther Fischer
do kenndescht noch Nürtingen gange, dia hend a scheena St. Laurentius Krch.
Isch aber evangelisch.
Immerhin isch a Schild an der Autobah Ulm - Schduegert midd derra Kirch.
A neua Super Orgel hend se ao griagd, de alt isch abbrennd vor a baar Järla.

Oh, je. Nürtinga kenn i blos vom Durchfahra, ond au dees isch scho eeeewig her.
Nach Metzinga zom Schu kaufa sends beschdimmd schon fuffzeh Jahor her,
ond seid d Falkaschdoiner Hehle blos no mit Genehmigung nei deffsch,
ben i do ao nemme denna gwae.

Aber der Tipp mit der Laurentiuskirch isch guad. Wenn mr mal wieder richdung
Schduaged kommed, dann keed ma dao vorbeigugga!

Dr Marco